Staða efnahagsmála í aðdraganda fjármálaáætlunar

Fimm athugasemdir bárust. Umsögn frá Öryrkjabandalagi Íslands snerti innleiðingu reglugerðar Evrópusambandandsins um aðgengiskröfur sem stendur til að innleiða með sérstöku lagafrumvarpi. Þá var í skýringum í greinargerð með frumvarpsdrögum fjallað um stöðu aðila m.t.t. ábyrgðar á notkun tiltekinna lausna, sem Persónuvernd kom inn á í sinni umsögn. Aðrar ábendingar kölluðu ekki á sérstök viðbrögð.

Ábendingar bárust um að skýra mætti heimildir ráðherra samkvæmt frumvarpinu betur. Var þar sérstaklega vísað til heimilda ráðherra til að skilgreina og halda úti sameiginlegum stafrænum innviðum. Því var fjallað frekar um ákvæðið í greinargerð. Einnig var lagt til að gildissvið 4. gr. laganna yrði útvíkkað svo að það næði einnig til sveitarfélaga. Sveitarfélög falla þau utan gildissviðs frumvarpsins og ekki þykir að svo stöddu fýsilegt að útvíkka gildissvið einstakra greina. Að sama skapi er áréttað að ekki eru gerðar breytingar á gjaldtökuheimildum stjórnvalda skv. sérlögum.

Brugðist var við ábendingum um vinnslu persónuuppplýsinga og miðlun gagna með því að kveða á um í frumvarpi að ráðherra skuli setja reglugerð með nánari fyrirmælum um hvernig skuli staðið að miðluninni og hvenær skylda til þess er til staðar. Aðrar athugasemdir gáfu ekki tilefni til breytinga.