Tillaga til þingsályktunar um framkvæmdaáætlun náttúruminjaskrár 2025-2029
Þingsályktun um framkvæmdaáætlun til næstu fimm ára, þ.e. skrá yfir þær náttúruminjar sem Alþingi ákveður að setja í forgang um friðlýsingu eða friðun á næstu fimm árum.
Ferill í Samráðsgátt
- Birt í Samráðsgátt (S-8/2025)
- Umsagnarfrestur hefst · til 20. febrúar 2025
- Umsagnarfresti lýkur · 19 umsagnir bárust
- Niðurstöður samráðs birtar
Niðurstöður samráðs (19. mars 2025)
Alls bárust 17 umsagnir um þingsályktunina. Umsögnum er svarað í greinargerð þingsályktunarinnar, en þingsályktunin og greinargerð hennar verða lögð fyrir 156. löggjafarþing Alþingis.
Innsendar umsagnir í Samráðsgátt (19)
- #1Múlaþing
Umsögn heimastjórnar Fljótsdalshéraðs, Múlaþingi.
- #2Laufey Ólafsdóttir
Sem ábúandi í Húsey vil ég ítreka mikilvægi þess að allt það sem talið er nauðsynlegt að framkvæma við ós Jökulsár og Lagarfljóts verði ekki settar skorður eða e.t.v. stoppað með friðlýsingu. Reynsla eftir vatnaflutninga vegna Kárahnjúkavirkjunnar sýndi að það að vatn Lagarfljóts ætti greiðan aðgang út í sjó kom í veg fyrir mikil flóð í landi og breytingar á landi Húseyjar. Að fylgst sé með ósnum og brugðist við eftir því sem þurfa þykir er allri ábúð og vernd á landi Húseyjar nauðsynlegt.
- #3Hallur Þorsteinsson
Sem eigandi jarðarinnar Skinnalóns á Melrakkasléttu mótmæli ég því harðlega að jarðarinnar Skinnalóns skuli ekki vera minnst á þeim lista jarða sem settu sig alfarið á móti að norður Melrakkaslétta yrði sett á framkvæmdaáætlun fyrir friðlýsingar. Bréf frá okkur eigendum Skinnalóns var sent á sama tíma og jarðirnar Harðbakur, Sigurðarstaðir, Brúnir og Núpskatla sendu inn sín mótmæli.
- #4Helga Björk Jónsdóttir
8. apríl 2024 var sendur tölvupóstur um að meirihluti landeiganda Oddsstaða á Melrakkasléttu landnúmer F2166467 hafi ákveðið að taka ekki þátt í framkvæmdaáætlun Náttúruminjaskrár Norður-Melrakkasléttu að svo stöddu en það kemur hvergi fram í skýrslunni. Vinsamlegast lagfærið þessi mistök!
- #5Margrét Rögnvaldsdóttir
Ég undirrituð þinglýstur fyrirsvarsmaður Harðbaks á Melrakkasléttu sendi bréf í tölvupóstu til Umhverfsistofunar dagsett 26.01.2024 sem var undirritað af öllum eigendum Harðbaks. Undirritaðir eigendur af Harðbakur I og II á Melrakkasléttu vilja ekki að jörðin sé á framkvæmdaráætlun um náttúruminjaskrá hjá Umhverfisstofnun eða að jörðin verði friðlýst í framhaldi af skráningu á slíkri náttúruminjaskrá. Eigendur vilja að Umhverfisstofnun taki strax jarðirnar Harðbakur I og II úr kynningarefni sínu um framkvæmdaráætlun náttúruminjaskrá fyrir Melrakkasléttu. Landnúmer 154161 og 154162. Harðbak.… Lesa alla
Ég undirrituð þinglýstur fyrirsvarsmaður Harðbaks á Melrakkasléttu sendi bréf í tölvupóstu til Umhverfsistofunar dagsett 26.01.2024 sem var undirritað af öllum eigendum Harðbaks. Undirritaðir eigendur af Harðbakur I og II á Melrakkasléttu vilja ekki að jörðin sé á framkvæmdaráætlun um náttúruminjaskrá hjá Umhverfisstofnun eða að jörðin verði friðlýst í framhaldi af skráningu á slíkri náttúruminjaskrá. Eigendur vilja að Umhverfisstofnun taki strax jarðirnar Harðbakur I og II úr kynningarefni sínu um framkvæmdaráætlun náttúruminjaskrá fyrir Melrakkasléttu. Landnúmer 154161 og 154162. Harðbak. Eigendur Harðbak skilja alveg hvað felst í því að jörðin verði sett á náttúruminjaskrá og í framhaldi friðlýst af stjórnvöldum. Það er ótrúlegt að sjá að Ráðgjafanefndin geti ályktað að aðeins þurfi meiri samráð við eigendur til þess að þeir skilji hvað felst í þessarri framkvæmd. Eigendur Harðbaks hafa engan áhuga á að þeirra einkaland fari í þetta ferli stjórnvalda. Því var strax lýst skýrt í bréfi sem sent var 26.01.2024. Hér með er það ítrekað að ekki þurfi frekari samráð um málið við eigendur. Þeir skilja alveg hvað felst í því að jörðin sé sett á náttúruminjaskrá og í framhaldi verði hún friðlýst af stjórnvöldum. Á því er enginn áhugi hjá eigendum eins og þeir nú hafa þegar lýst yfir. F.h. eigenda Harðbaks I og Harðbaks II Margrét Rögnvaldsdóttir
Umsagnir eru birtar eins og Samráðsgáttin birtir þær, með nafni sendanda. Umsagnir sem sendandi óskaði að yrðu ekki birtar eru ekki hér. Heimild: Samráðsgátt stjórnvalda.