Stéttarfélög og vinnudeilur

Frumvarp þetta var áður lagt fram á 156. og 157. löggjafarþingi (13. mál) en hlaut ekki brautargengi. Frumvarpið er lagt aftur fram með nokkrum breytingum. Með frumvarpi þessu eru í fyrsta lagi lagðar til breytingar á framkvæmd vinnustöðvana og settur skýr rammi um kröfugerð, hverja vinnustöðvun bindur og hverjum hún getur beinst að. 3 Í öðru lagi er lagt til að heimildir ríkissáttasemjara verði efldar með það að markmiði að bæta vinnubrögð og skilvirkni við kjarasamningsgerð og tryggja rétt félagsmanna samningsaðila til að greiða atkvæði um framlagða miðlunartillögu. Jafnframt munu þær breytingartillögur sem frumvarpið mælir fyrir um koma í veg fyrir að kjarasamningsviðræður dragist úr hófi eins og oft og tíðum er raunin á ísle nskum vinnumarkaði. Langdregnar kjaraviðræður eru hins vegar sjaldséðar í nágrannalöndum okkar, þar sem ríkissáttasemjari hefur víðtækari úrræði en hérlendis. Leitast er við að færa réttarstöðu ríkissáttasemjara nær því sem tíðkast í nágrannalöndum okkar. …

Orðrétt úr þingskjali 155, stytt. Lesa allt skjalið á althingi.is