Stefna og framkvæmdaáætlun um samþættingu þjónustu í þágu farsældar barna til ársins 2030

Alþingi ályktar skv. 3. gr. laga um samþættingu þjónustu í þágu farsældar barna, nr. 86/2021, að unnið verði samkvæmt eftirfarandi stefnu og framkvæmdaáætlun til ársins 2030. STEFNA. I. Framtíðarsýn. Framtíðarsýn stefnunnar er sú að Ísland verði barnvænt samfélag þar sem réttindi, velferð og öryggi barna séu alltaf sett í fyrsta sæti. Framtíðarsýninni verði náð með heildstæðri nálgun með áherslu á samfellu og samþættingu við veit ingu þjónustu. Sérstaklega verði hugað að þörfum barna í viðkvæmri stöðu. Stefnan hvíli á sex stoðum: a. jafnræði, b. barnvænni nálgun og þátttöku, c. viðeigandi stuðningi, d. Fræðslu, forvörnum og réttindum, e. Framúrskarandi fagfólki. f. áreiðanlegum gögnum. II. Stoðir. A. Jafnræði. Lögð verði áhersla á að tryggja jafnræði allra barna og fjölskyldna þeirra, sérstök áhersla verði lögð á börn í viðkvæmri stöðu. B. Barnvæn nálgun og þátttaka. Lögð verði áhersla á að tryggja barnvæna nálgun og möguleika allra barna til þátttöku í eigin málum. Sérstök áhersla verði lögð á að umhverfi, viðhorf, stjórnsýsla og þjónusta taki mið af skoðunum, þörfum og hagsmunum barna svo að þau hafi raunveruleg tækifæri til að hafa áhrif á samfélagið og eigið líf. C. …

Orðrétt úr þingskjali 75, stytt. Lesa allt skjalið á althingi.is